العشق ورد اليمن

ورد اليمن . طيبة .ووحدة.. وعزلة.. وظلام.. وعشق.. وشكردائم لله
تعطيها الحكومة 70 جنيها وتريد باب خشب وحجرة ضلمة علشان تحلم بالاحباب اللى مش بيخلوها ورد اليمن
ـــــــــــــــــــــــــــــــــــــــــــــــــــــــــــــــــــــــــــــــــــــ
ثلاثة امتار ومصطبة طينية وغرفة طويلة تسميها غرفة الام حمامة تربى فيها الطيور فى هذا البيت الطينى الذى بلا كهرباء ولا مياة هو كل ممتلكات السيدة ورد اليمن مواليد عام الثورة 1952م التى تقطن نجع العطيات التابع لمحافظة قنا من البيت الغرفة تصنع السفرة والمطبخ للطعام وابعد عنه باشبار تقيم حصيرة للمنام.. ورد اليمن رغم الالم لاتعرف اليأس وذو ابتسامة سمحاء نسيت ان اقول ان الحجرة الطويلة بها بعض اجزاء من ممتلكات جيرانها . ايضا .ورد اليمن لاتعرف الصلاة لانها لم تقم بالتدريب عليها ولاتحفظ سور القرآن لانها لاتعرف القراءة ولاالكتابة لكنها تحب الله كثيرا وتمدح رسوله وتردد مديحا عذبا حين تهل عليها اطياف الوجد ورد اليمن تفرض على نفسها العزلة وتعشق الغرباء مثل ابيها الذى جاء غريبا وقطن قريتها فتزوج امها وانجبها ومات ومثل الشيخ زيان اللى جا من العراق بعد معركة كربلاء كما تعتقد ولانها متواصلة دائما مع الغرباء لذلك هى عشقت الشيخ محمود الغريب عن البلاد والذى كان يلف القرى وينظف المساجد ومن عشقه تعشق كل من اسمه محمود لذلك طافت بى فى رحاب كلامها العذب ... تقدم الحبوب لطيورها وتنادى على كى اصغ جيدا بختك فى الدنيا حلو علشان اسمك محمود انت تعرفه والله يابنى كان راجل زين بعمامة كبيرة قوى على راسه واثواب كثيفة على جسمه يلف القرى يذهب للمساجد يقوم بتنظيفها يرمى النقود للمساكين والغلابة للفقرا والايتام – لاتصدق ياولدى انه كان شحاذا- كان زين الرجال علشان كدا استحق بكاى وصومى عن الطعام مكلمتهوش ولا مره علشان التقاليد عندنا تمنع كلام النسوان مع الرجال لكننى كنت اسئل عليه ياتينى فى المنام قبل مجيئة ويقول انتظرينى فالف بردتى ( غطاء الحشمة ) واذهب له للديوان القيى عليه السلام بعينى امام الناس جميعا وارحل وحين مات فى قرية غريبة وتم دفنه محطتيتش ولا لقمة عيش ف جوفى لمدة شهر بحثت عن القرية اللى فيها قبره وقدمت له البرتقال فوق القبر بكيت عليه بشده لكنه يصر ان يأتينى حتى وهو ميت فى المنام والصحيان انت عارف العطسة دى اللى انا عطستها قدامك دى هى عطست محمود مش انا ..انا بقيت محمود ياولدى ورغم كدا حتى بنتى المترمله بتقول على مجنونة انا مش ورد اليمن انا محمود ياولدى مش كدا – انت عاقلة يا خالة افضل منا احنا المجانين – اقول لها فتبتسم لى وتسترسل محبش الكهربا علشان معاييش غير معاش شهرى تدهونى الحكومة ب70 جنيه بس.. منين اجيب منها كهربا كفايه انه معايا لمبة فتيل ومنين احط باب حديد او خشب علشان محدش يكشف عورة بيتى ويشوف بنتى المترمله وولدها اليتيم انت عارف انا رفضت زوجى اللى طلقنى وتركنى وعيالى وحين اراد ارجاعى لعصمته ليه ؟ لاننى كنت وصلت للتقوى وهو كان رافض احلامى وكلامى بيقولى انت بتتكلم لااوندى وعربى باين ف جسمك جن وعفاريت وانا ربنا خلقنى كده اتكلم عربى وعامى واى حاجه المهم اتكلم واقول اللى ف نفسى ..انا صافية جدا مأذيتش حد خالص ولا حتى بقلبى انت عارف اصعب آذية للناس انك تأذيهم بقلبك مش بلسانك وانا قلبى صافى قريب من ربنا اللى مش بعرف اصلى له لكن بعشقه... أسألها عن الشمس تقول هى دائما تدخل بيتى وكمان النجوم فى الليل علشان السقف مخرم فمشوفها لكن البرد وحش وصعب زى الناس.... اسألها عن حجرة الطيور لماذا تطلقين عليها حجرة حمامة ؟ تجيب هى حجرة جارتى اللى ماتت فقيرة وكان اسمها حمامة وحرام انى اطلق عليها اى اسم انا هتحاسب من ربنا ولا علشان ماتت استولى عليها واغير اسمها كلامك يتعبنى خالة ورد ممكن تسيبنى امشى ؟ تزعق كمل اسمى ورد اليمن.. انا مش قلت لك انا بحب الغرباء وان بختك حلو علشان اسمك محمود ولا اقولك انا مش عاوزا حاجه بس امكن اعوز باب حديد او خشب علشان اعرف احلم كويس وكمان حجرة ضلمة امدح فيها النبى واتذكر فيها الاحباب اللى بيخلونى مش انا يخلونى ياولدى هما ومش ورد اليمن وانا احب انى مااكونش ورد اليمن .